ગુજરાત કારોબાર ન્યુઝ/ભરતસિંહ ઠાકોર અરવલ્લી
પરખ સંસ્થા સંચાલિત સખી વન સ્ટોપ સેન્ટર અરવલ્લી દ્વારા ચાંદટેકરી મોડાસા ખાતે નિ:શુલ્ક માર્ગદર્શન કેન્દ્રના સહયોગથી મહિલા આંતરરાષ્ટ્રીય દિવસ નિમિતે મહિલા જાગૃતિ શિબિરનું આયોજન કરવામાં આવ્યું. કેન્દ્ર સંચાલક વિક્રમ બા દ્વારા મહિલાઓને આંતરરાષ્ટ્રીય દિવસની શુભકામનાઓ પાઠવી આંતરરાષ્ટ્રીય દિવસ વિશે તથા સખી વન સ્ટોપ સેન્ટર વિશે માહિતી આપી તેમજ કેસ વર્કર શ્રધાબેન દ્વારા મહિલાલક્ષી યોજનાઓની માહિતી આપવા આવેલ. ચાઈલ્ડ લાઈનના કર્મચારી સમીમ બેન દ્વારા ચાઈલ્ડ હેલ્પ લાઈન વિશે તથા બાળકોના હક્કો વિશે માહિતગાર કરવામાં આવેલ તેમજ સખી વન સ્ટોપ સેન્ટર ના કેસવર્કર સીતાબેન દ્વારા પત્રિકા વિતરણ કરી સખી વન સ્ટોપ સેન્ટર નો પ્રચાર પ્રસાર કરવામાં આવેલ છે.કાર્યક્રમમાં માર્ગદર્શન કેન્દ્રના કન્વીનર હારીથ ખાનજી, સહ કન્વીનર તાહિર ધન્સુરીયા અને સખી વન સ્ટોપ સેન્ટરના કર્મચારીઓ , તેમજ ચાંદ ટેકરીના જાગૃત નાગરિકો હાજર રહ્યાં હતા.