Gujarat

રમેશ ગોસ્વામી “સારથિ”

શ્રી અખિલ કચ્છ દશનામ ગોસ્વામી સમાજ ની પ્રેરણાથી શ્રી અખિલ કચ્છ દશનામ ગોસ્વામી યુવક મંડળ તેમજ શ્રી મહાગુજરાત દશનામ ગોસ્વામી મહામંડળ યુવક મંડળ કચ્છ પ્રદેશ દ્વારા આયોજીત નાઈટ ક્રિકેટ ટુર્નામેન્ટ કૈ.વા. હષાઁબહેન રમેશગિરિ સ્મૃતિ કપ- ૨૦૨૩
ની મેગા ફાઈનલ મેચ અંજાર નગરપાલિકા સ્ટેડિયમ મધ્યે યોજાયી હતી.આ સમગ્ર ટુનાઁમેન્ટમાં કુલ ૨૬ ટીમો એ ભાગ લીધો હતો.જેમાંથી ૪ ટીમ મહિલાઓની હતી.ફાઈનલ મેચમાં ભુજ ની નવ્યા તેમજ નખત્રાણા ની શીવ શક્તિ ઇલેવન પહોંચી હતી.જેમા ફાઈનલ મેચમાં ભુજ ની નવ્યા ઇલેવન નો વિજય થયો હતો. જ્યારે મહિલા ક્રિકેટ ટીમ માં આશાપુરા ઇલેવન – ગાંધીધામ અને શ્રી શિવ શક્તિ ઇલેવન – માંડવી વચ્ચે રસાકસી જામી હતી. જેમાં શિવ શક્તિ ઇલેવન નો વિજય થયો હતો.( શિવ શક્તિ ઇલેવન નાં કેપ્ટન ઉર્વિબેન દર્શનગીરી ગોસ્વામી, વાઈસ કેપ્ટન કોમલ બેન ધર્મેશ ગીરી ગોસ્વામી).
આ સંપૂર્ણ ટુર્નામેન્ટ ના મુખ્યદાતા સમાજ નું ગૌરવ એવા શ્રી રમેશગીરી કરશનગીરી ગોસ્વામી ( ભામાશા ) માનનિય પ્રમુખશ્રી મહાગુજરાત દશનામ ગોસ્વામી મહામંડળ કચ્છ પ્રદેશ નું ઉપસ્થિત સૌએ વિશેષ સન્માન કરેલ હતું.આ સમગ્ર ટુર્નામેન્ટ અખિલ કચ્છ દશનામ ગોસ્વામી સમાજ ના કર્મનિષ્ઠ પ્રમુખ શ્રી અમૃતગીરી પ્રેમગીરી ગોસ્વામી ની અધ્યક્ષતા માં રમાડવામા આવેલ.જેનો શુભારંભ રુદ્રાણી જાગિરના મહંતશ્રી લાલગીરી બાપુએ કરાવેલ.સમગ્ર ટુર્નામેન્ટ નું સફળ આયોજન અખિલ કચ્છ દશનામ ગોસ્વામી યુવક મંડળ ના પ્રમુખ આશિષગીરી જયસુખગીરી ગોસ્વામી ની આગેવાની માં કરવામા આવ્યુ હતું.આ ભવ્ય ક્રિકેટ ટુર્નામેન્ટ ને સફળ બનાવવાની જહેમત મહામંડળ યુવક મંડળ ના પ્રમુખ જયેશગીરી ગુણવંતગીરી,ગુજરાત પ્રદેશના ઉપપ્રમુખ મંથનગીરી અતુલગીરી તેમજ મહામંત્રી કિશનગીરી જેઠીગીરી અને સવેઁ યુવાનો દ્વારા ઉઠાવવામાં આવી હતી.ક્રિકેટ ટુર્નામેન્ટ ની વિશેષ વ્યવસ્થા મિતેષગીરી,મેહુલપુરી તેમજ અમિતવન દ્વારા કરવામાં આવી હતી.આ ટુર્નામેન્ટ માં કલ્પેશગીરી ચમનગીરી (મુખ્ય જીલ્લા સરકારી વકીલ),કચ્છ જીલ્લા ભાજપ ના ઉપપ્રમુખ ભરતભાઈ શાહ,મંત્રી વસંતભાઈ કોડરાણી,અંજાર શહેર ભાજપના પ્રમુખ ડેનીભાઈ શાહ,મહામંત્રી દિગંતભાઈ ધોળકિયા તેમજ અશ્વિનભાઈ સોરઠીયા,ઉપપ્રમુખ ક્રિપાલસિંહ રાણા ખાસ ઉપસ્થિત રહી ને ખેલાડીઓ ને પ્રોત્સાહન આપ્યું હતું.
ફાઈનલ માં અખિલ કચ્છ દશનામ ગોસ્વામી સમાજ ના મહામંત્રી ત્રંબકપુરી, પૂર્વ પ્રમુખ મનોજપુરી તુલસીપુરી,ગુજરાત મહામંડળ ના ઉપપ્રમુખ દેવેન્દ્રગીરી રેવાગીરી,અખિલ કચ્છ મહિલા મંડળ ના પ્રમુખ દક્ષાબહેન,મહામંડળ મહિલા મંડળ ના પ્રમુખ મીનાબહેન,તેમજ દરેક તાલુકા ના આગેવાનો તેમજ યુવા આગેવાનો ઉપસ્થિત રહ્યા હતા,અંજાર શહેર યુવા ભાજપ ના સંજયભાઈ સોરઠીયા, પાર્થભાઈ ખાંડેકા,ભૌતિકભાઈ શાહ,નિરવભાઈ પંડ્યા વગેરે સામાજીક તેમજ રાજકિય અગ્રણીઓ ખાસ ઉપસ્થિત રહ્યા હતા.
દશનામ ગોસ્વામી સમાજ ની આ ક્રિકેટ ટુર્નામેન્ટ ને જીલ્લા ભર માં થી સમાજ ના લોકો ને સાથ સહકાર આપ્યો હતો. આઇપીએલ જેવી રસાકસી જામી હતી.અત્રે ભોજન ની પણ વ્યવસ્થા કરવામાં આવી હતી.લાઈવ પ્રસારણ ને સમસ્ત ગુજરાત ગોસ્વામી સમાજે મેચ માણી હતી.

ગુજરાત કારોબાર ન્યુઝ-ભરતસિંહ ઠાકોર (બ્યુરો ચીફ) અરવલ્લી  

શાળા પ્રવેશોત્સવ અને કન્યા કેળવણી મહોત્સવના પરિણામે રાજ્યમાં શિક્ષણ ક્ષેત્રે ક્રાંતિ સર્જાણી

શાળા પ્રવેશોત્સવના પરિણામે ગુજરાતમાં છેલ્લાં ૨૦ વર્ષ દરમિયાન બાળકોના નામાંકનનો દર ૭૫ ટકાથી વધીને ૧૦૦ ટકાની નજીક પહોંચ્યો

વર્ષ ૨૦૦૧ થી ૨૦૨૨ સુધીમાં રાજ્યની શાળાઓમાં નવા ૧.૪૨ લાખ વર્ગખંડોનું નિર્માણ: પહેલા ૩૮ વિદ્યાર્થી દીઠ એક વર્ગખંડ હતો, જ્યારે હવે ૨૬ વિદ્યાર્થી દીઠ એક વર્ગખંડ ઉપલબ્ધ
  
વર્ષ ૨૦૦૧ થી ૨૦૨૨ સુધીમાં બે લાખથી વધુ શિક્ષકોની ભરતી કરાઈ

‘સૌ ભણે, ગણે અને આગળ વધે’ તથા સૌને શિક્ષણ મેળવવા માટે પ્રોત્સાહન મળે તેવા ઉમદા આશય સાથે ગુજરાતના તત્કાલીન મુખ્યમંત્રી અને હાલના વડાપ્રધાન શ્રી નરેન્દ્રભાઈ મોદીએ વર્ષ ૨૦૦૩થી રાજ્યમાં શાળા પ્રવેશોત્સવ કાર્યક્રમનો શુભારંભ કરાવ્યો હતો. ઇતિહાસની આ પ્રથમ ઘટના હતી જેમાં મુખ્યમંત્રી સહિતના પદાધિકારીઓ અને અધિકારીઓ ગામડે-ગામડે જઈ શાળા પ્રવેશોત્સવ થકી નાના ભૂલકાઓને શાળામાં આવકારતા હતા. વડાપ્રધાનશ્રીએ શરુ કરેલી શિક્ષણની આ પરંપરાને મુખ્યમંત્રી શ્રી ભૂપેન્દ્રભાઈ પટેલ સફળતાપૂર્વક આગળ ધપાવી રહ્યા છે. મુખ્યમંત્રીશ્રીના નેતૃત્વ હેઠળ આગામી તા.૧૨ થી ૧૪ જૂન દરમિયાન સમગ્ર રાજ્યમાં ૨૦મો શાળા પ્રવેશોત્સવ યોજાશે. ‘ઉજવણી ઉજ્જવળ ભવિષ્ય’ની થીમ સાથે યોજાનારા આ શાળા પ્રવેશોત્સવનો રાજ્યવ્યાપી શુભારંભ મુખ્યમંત્રીશ્રી કચ્છથી બાળકોને શાળામાં પ્રવેશ કરાવીને કરશે.

શાળા પ્રવેશોત્સવના પરિણામે ગુજરાતમાં શૈક્ષણિક ક્ષેત્રે ક્રાંતિ આવી છે. શાળા પ્રવેશોત્સવ શરુ થયો તે પહેલા વર્ષ ૨૦૦૨-૦૩માં ગુજરાતમાં નેટ એનરોલ્મેન્ટ રેટ એટલે કે, ધોરણ -૧માં વિદ્યાર્થીઓનો નામાંકન દર ૭૫.૦૫ ટકા હતો. ધોરણ-૧માં વિદ્યાર્થીઓના નામાંકન દરને ૧૦૦ ટકા સુધી પહોંચાડવા માટે તત્કાલીન મુખ્યમંત્રી શ્રી નરેન્દ્રભાઈ મોદીના દૂરંદેશી નેતૃત્વ હેઠળ શાળા પ્રવેશોત્સવની શરુઆત કરવામાં આવી હતી. જેના પરિણામે બીજા જ વર્ષે ૨૦૦૪-૦૫માં નામાંકન દર વધીને ૯૫.૬૪ ટકા થયો. ત્યારબાદ વર્ષ ૨૦૧૨-૧૩માં આ નામાંકન દર ૯૯.૨૫ ટકા સુધી પહોંચ્યો અને ત્યારથી અત્યારસુધી ધોરણ-૧માં વિદ્યાર્થીઓનો નામાંકન દર ૧૦૦ ટકાની નજીક જ રહ્યો છે.

શાળા પ્રવેશોત્સવ જેવા કાર્યક્રમોથી લોકોમાં જાગૃતિ આવી અને નાગરિકો શિક્ષણનું મહત્વ પણ સમજતા થયા. એ સમય હતો જ્યારે અનેક બાળકો વિવિધ કારણોસર અભ્યાસ અધૂરો છોડતા હતા. વર્ષ ૨૦૦૪-૦૫માં રાજ્યમાં ધોરણ ૧ થી ૮ નો ડ્રોપઆઉટ રેટ ૧૮.૭૯ ટકા હતો, અને ધોરણ ૧ થી ૫ નો ડ્રોપઆઉટ રેટ ૧૦.૧૬ ટકા હતો. પરંતુ શાળા પ્રવેશોત્સવ કાર્યક્રમ અને રાજ્ય સરકારના વિવિધ પ્રયાસોના પરિણામે આજે અભ્યાસ અધૂરો છોડીને જતા બાળકોની સંખ્યામાં ધરખમ ઘટાડો આવ્યો છે. વર્ષ ૨૦૨૧-૨૨ સુધીમાં ધોરણ ૧ થી ૮માં અભ્યાસ કરતા વિદ્યાર્થીઓનો ડ્રોપઆઉટ રેટ ઘટીને ૨.૮૦ ટકા સુધી પહોંચ્યો હતો, જ્યારે ધોરણ ૧ થી ૫ નો ડ્રોપઆઉટ રેટ વર્ષ ૨૦૨૧-૨૨માં ઘટીને ૧.૨૩ ટકા સુધી પહોંચ્યો હતો.

વર્ષ ૨૦૦૪-૦૫ સુધી રાજ્યમાં કન્યાઓનો નામાંકન દર પણ ખૂબ જ ઓછો હતો, જેના પરિણામે શાળાના વર્ગોમાં કુમાર અને કન્યાના પ્રમાણમાં અસમાનતા જોવા મળતી હતી. આ સમસ્યાના સમાધાન માટે તત્કાલીન મુખ્યમંત્રી શ્રી નરેન્દ્રભાઈ મોદીએ કન્યા કેળવણીને પ્રોત્સાહન આપવા શાળા પ્રવેશોત્સવની સાથે કન્યા કેળવણી મહોત્સવ અને ત્યારબાદ કન્યા કેળવણી નિધિ, વિદ્યાલક્ષ્મી બોન્ડ અને વિદ્યાદીપ જેવી અનેક યોજનાઓની શરૂઆત કરાવી હતી. જેના પરિણામે કન્યાઓને શિક્ષણમાં પ્રોત્સાહન મળ્યું અને વર્ષ ૨૦૦૪-૦૫માં ધોરણ ૧ થી ૮ની કન્યાઓનો જે ડ્રોપઆઉટ રેટ ૨૨.૮ ટકા હતો, તે ઘટીને વર્ષ ૨૦૨૧-૨૨માં ૩.૦૧ ટકા સુધી પહોંચ્યો છે. ધોરણ ૧ થી ૫ નો ગર્લ ચાઈલ્ડ ડ્રોપઆઉટ રેટ ૧૧.૭૭ ટકાથી ઘટીને વર્ષ ૨૦૨૨ સુધીમાં ૧.૧૬ ટકાએ પહોંચ્યો છે.

ગુજરાતમાં શાળા પ્રવેશોત્સવ ઉપરાંત શાળાઓમાં વિદ્યાર્થીઓ માટે સ્વચ્છતાથી માંડીને માળખાગત અને અદ્યતન તકનીકી સુવિધામાં પણ અઢળક વધારો કરવામાં આવ્યો છે. વર્ષ ૨૦૦૧-૦૨માં સ્ટુડન્ટ ક્લાસરૂમ રેશિયો ૩૮:૧ એટલે કે સરેરાશ ૩૮ વિદ્યાર્થી દીઠ ૧ વર્ગખંડ ઉપલબ્ધ હતો. વર્ષ ૨૦૦૧ થી ૨૦૨૨ સુધીમાં સરકાર દ્વારા સમગ્ર રાજ્યમાં નવા ૧.૪૨ લાખ જેટલા વર્ગખંડોનું નિર્માણ કરવાથી આ રેશિયો ઘટીને વર્ષ ૨૦૨૧-૨૨માં ૨૬:૧ સુધી પહોંચ્યો હતો.

આટલું જ નહિ, વર્ષ ૨૦૦૧-૦૨માં રાજ્યની પ્રાથમિક શાળાઓમાં વિદ્યાર્થી શિક્ષકનો ગુણોત્તર પણ ૪૦:૧ હતો, એટલે કે રાજ્યમાં પ્રતિ ૪૦ વિદ્યાર્થી માત્ર એક શિક્ષક ઉપલબ્ધ હતો. ત્યારબાદ રાજ્ય સરકાર દ્વારા વર્ષ ૨૦૦૧-૦૨ થી ૨૦૨૧-૨૨ના સમયગાળા દરમિયાન બે લાખથી વધુ શિક્ષકો અને મુખ્ય શિક્ષકોની ભરતી કરવામાં આવી હતી. જેના પરિણામે ગુજરાતની પ્રાથમિક શાળાઓમાં વિદ્યાર્થી શિક્ષકનો ગુણોત્તર ૨૦૨૧-૨૨માં સુધરીને ૨૮:૧ થયો હતો. નોંધપાત્ર બાબત તો એ છે કે, ગુજરાતનો વિદ્યાર્થી શિક્ષકનો ગુણોત્તર અન્ય રાજ્યોની સરખામણીએ અને રાઈટ ટુ એજ્યુકેશનના નિયમોમાં દર્શાવેલ વિદ્યાર્થી શિક્ષકના ગુણોત્તર કરતા આગળ છે.

આમ, જોવા જઈએ તો ગુજરાતમાં શાળા પ્રવેશોત્સવ અને કન્યા કેળવણી મહોત્સવના પરિણામે શિક્ષણ ક્ષેત્રે ક્રાંતિ સર્જી છે. વર્ષ ૨૦૨૧માં થયેલા નેશનલ એચીવમેન્ટ સર્વેમાં ગુજરાતનો સમાવેશ દેશના શ્રેષ્ઠ પ્રદર્શન કરનાર રાજ્યોમાં થયો હતો. આ ઉપરાંત ભારત સરકારના શિક્ષણ મંત્રાલયના પરફોર્મન્સ ગ્રેડિંગ ઇન્ડેક્ષમાં પણ ગુજરાતે ૧૦૦૦ માંથી ૯૦૩ અંક મેળવી ટોચનું પ્રદર્શન કરતા રાજ્યોમાં સ્થાન મેળવ્યું છે.

ગુજરાત કારોબાર ન્યુઝ-ભરતસિંહ ઠાકોર (બ્યુરો ચીફ) અરવલ્લી

અરવલ્લી જિલ્લામાં 181 મહિલા અભયમ ટીમ ઉપર પીડીતા બહેનનો કોલ આવ્યો હતો. જેમાં તેમણે જણાવેલ કે રિક્ષાવાળા ભાઈ દ્વારા તેમની છેડતી કરવામાં આવેલ છે. તે સમયે ફરજ પર હાજર 181 ટીમના કાઉન્સિલર મનીષાબેન મકવાણા અને તેમની ટીમ તાત્કાલિક ધોરણે સ્થળ પર પહોંચી બેનનું કાઉન્સિલિંગ કર્યું જેથી કાઉન્સિલિંગ કરતા પીડિત મહિલાએ જણાવેલ કે તેઓ મોડાસાથી માલપુર જવા માટે મોડાસા ચોકડીથી રિક્ષામાં બેઠા હતા તે દરમિયાન સાકરીયાથી આગળ જતા રિક્ષાવાળા ભાઈએ બાથરૂમ જવાના બહાને રીક્ષા ખેતરમાં લઈ ગયા હતા. ત્યારે પીડીતાબેન રિક્ષામાંથી ઉતરી બીજી સાઈડ ઊભા રહી ફોનમાં જોતા હતા તે દરમિયાન આ રોમિયોએ પાછળથી આવી પીડિત મહિલાનો ફોન હાથમાંથી લઈ લીધો અને બેનના કપડા કાઢી છેડતી કરવાનો પ્રયત્ન કર્યો હતો. પીડિત મહિલાએ હિંમત રાખી તેના જોડેથી ફોન ખેંચી લઈ 181 પર જાણ કરી હતી, આથી 181 મહિલા અભયમ ટીમ તરત જ સ્થળ ઉપર જઈ રોમિયોને ધમકાવી પીડિત મહિલાની માફી મંગાવી અને વૃદ્ધાનું યોગ્ય કાઉન્સિલિંગ કર્યું હતું. ત્યારબાદ પીડિત મહિલાની અરજીને આધારે મોડાસા રૂરલ પોલીસ સ્ટેશનમાં રોમિયોને સોંપી દેવામાં આવ્યો જે હેઠળ આગળની કાર્યવાહી પોલીસ સ્ટેશન દ્વારા હાથ ધરવામાં આવી છે.